10 անառարկելի միջոց՝ գումարը ձեր դրամապանակ բերելու համար

Յուրաքանչյուր անձ ինքն է ընտրում՝ հավատա՞լ այս կամ այն նշանին, թե՞ ոչ։ Marketium.ru կայքը ներկայացրել է մի քանի միջոց, որոնք հնարավորություն են տալիս գումար բերել ձեր կյանք։

• Գտեք ձեր թղթադրամը։ Թող այն միշտ լինի դրամապանակում։ Թղթադրամի վերջին 2,3, իսկ ավելի լավ է 4 թվերը պետք է համընկնեն ծննդյան օրվա հետ։

• Դրամապանակը պետք է պատրաստված լինի մաքուր կաշվից. ցանկալի է՝ այն լինի կարմիր գույնի։ Շատ մշակույթներում սա համարվում է հարստությունը գրավող միջոց։

• Տարբեր երկրների դրամական միջոցները պետք է պահպանել դրամապանակի տարբեր հատվածներում։

• Դրամապանակում գումարն այնպես դասավորեք, որ դիմային հատվածում այն ուղղված լինի դեպի ձեզ. գումարը պետք է դասավորել՝ ըստ մեծության, որպեսզի չափով ամենամեծը միշտ լինի աչքի առաջ։

• Գումարը գլխիվայր մի դրեք։

• Աշխատեք՝ դրամապանակում չլինեն կեղտոտ կամ պատռված փողեր։

• Դրամապանակում եղած թափանցիկ հատվածում տեղադրեք այն իրի, երևույթի լուսանկարը, որի համար գումար եք ցանկանում հավաքել։

• Եթե ճանապարհին կոպեկ եք տեսնում, ուշադրություն դարձրեք, թե որ հատվածով է այն ընկած. եթե վերևի հատվածում թռչուն է, կարող եք վերցնել, եթե գիր է, ապա վերցնել չի կարելի։

• Գումարը դասավորեք միայն զույգ թվերով։

• Դրամապանակում միշտ պետք է լինի «բազմացման համար գումար»։ Այդ հատվածը դատարկ չպետք է մնա։

Նյութը հրապարակման պատրաստեց 168.am-ը