Մխիթարյանը՝ անտեսված ֆուտբոլիստների վեցյակում

Ամառային տրանսֆերային պատուհանից հետո մի շարք ֆուտբոլիստներ տեղափոխվեցին ավելի բարձրակարգ ակումբներ, բայց չկարողացան հարմարվել այնտեղ: Դրա հետևանքով այս ֆուտբոլիստները  դադարեցին ցուցադրել այն ֆուտբոլը, որին երկրպագուները սովոր են: Այս ֆուտբոլիստներին  է անդրադարձել հեղինակավոր  whoscored.com պարբերականը:

Պարբերականն առանձնացրել է 6 ֆուտբոլիստների, ովքեր անտեսված էին այս մրցաշրջանում: Այս ֆուտբոլիստների թվում է նաև Հայաստանի ազգային հավաքականի ավագ Հենրիխ Մխիթարյանը:

Պարբերականը գրում է, որ Մխիթարյանը, ով նախորդ մրցաշրջանում լավագույնն էր Բունդեսլիգայում, չի երևում մանչեսթերյան ակումբի կազմում: Մխիթարյանը խաղացել է ընդամենը 107 րոպե:

Պարբերականն անդրադարձել է նաև այն շշուկներին, ըստ որոնց՝ Մխիթարյանը կարող է վերադառնալ Դորտմունդ:

Բացի Մխիթարյանից, անտեսված ֆուտբոլիստների ցանկում են ընդգրկվել նաև «Մանչեսթեր Սիթիի» կիսապաշտպան Յայա Տուրեն, Մադրիդի «Ռեալի» կիսապաշտպան Խամես Ռոդրիգեսը, ՊՍԺ-ի ֆուտբոլիստ Գժեգոժ Կրիխովյակը,  «Բավարիայի» ֆուտբոլիստ Կինգսլի Կոմանը և ՊՍԺ-ի ֆուտբոլիստ Հատեմ Բեն Արֆան:

Սիրարփի Աղաբաբյան