Ֆալուջայում երկու պայթյունների հետևանքով ութ մարդ է զոհվել
Իրաքի Ֆալուջա քաղաքի այն հատվածում, որը նախկինում կառավարվում էր Իսլամական պետություն ահաբեկչական խմբավորման կողմից, նոյեմբերի 14-ին տեղի են ունեցել երկու հզոր պայթյուններ, որոնց արդյունքում զոհվել են 8, վիրավորվել` շուրջ 20 մարդ: Այս մասին հայտնում է Reuters գործակալությունը:
Երկու ականապատված մեքենաներ պայթել են քաղաքի կենտրոնական հատվածներում` ոստիկանական հսկիչանցագրային կետերի մոտ:
Պայթյուններից հետո քաղաքային իշխանությունները հայտարարել են պարետային ժամ:
