Չելյաբինսկի մարզում Հայաստանի 3 բնակիչ է տուժել վթարի հետևանքով

Չելյաբինսկի մարզի Չեբարկուլ-Միսյաշ ավտոմայրուղում նոյեմբերի 13-ի երեկոյան տեղի ունեցած ճանապարհատրանսպորտային պատահարի հետևանքով տուժել է Հայաստանի 3 քաղաքացի, հայտնում է 1obl.ru-ն։

Մայրուղում բախվել են Nissan Pathfinder և ՎԱԶ 2115 ավտոմեքենաները։
Nissan Pathfinder-ի կին վարորդը չի կարողացել ղեկավարել մեքենան և դուրս գալով հանդիպակաց գոտի՝ բախվել է ՎԱԶ 2115-ին, որտեղ գտնվել են Հայաստանի քաղաքացիները։

Վերջիններս տարբեր աստիճանի վնասվածքներով տեղափոխվել են հիվանդանոց, որտեղ ախտորոշվել են փակ գլխուղեղային վնասվածք, ուղեղի ցնցում, կրծքավանդակի սալջարդ։
Nissan Pathfinder-ի ուղևորները չեն տուժել։