Զապորոժիեում Հայաստանի քաղաքացին ցանկացել է անպատասխան սիրո պատճառով ինքնասպան լինել

Զապորոժիեում իրավապահները կարողացել են կանխել Հայաստանի քաղաքացու ինքնասպանությունը, հայտնում է տեղի «Вместе» պարբերականը՝ վկայակոչելով իրավապահ մարմիններում աղբյուրներին։

Երիտասարդը ցանկացել է ինքնասպան լինել անպատասխան սիրո պատճառով։
Նա իր բնակարան է կանչել իր սիրելիին (ում հետ եկել է նաև նրա ազգականը) և սպառնացել է դանակով խոցել իր սիրտը։

Աղջկա ազգականին, որը փորձել է համոզել նրան այդ քայլին չդիմել, հաջողվել է դանակը խլել երիտասարդից, սակայն վերջինս որոշել է ինքնասպան լինել՝ նետվելով պատուհանից։
Այդ պահին բնակարան են մուտք գործել իրավապահները, որոնց կանչել էր աղջիկը։

Նրանց հաջողվել է կանգնեցնել երիտասարդին, ինչից հետո նա տեղափոխվել է հիվանդանոց, որտեղ և ցուցաբերվել է առաջին օգնությունը։ Տղամարդը հասցրել էիր իրեն վնասել, սակայն վնասվածքները ծանր չեն եղել։