«ԵՄ-ի դիրքորոշումը Ռուսաստանի նկատմամբ անփոփոխ է». Մոգերինի
Եվրամիությունը մտադիր չէ փոխել Ռուսաստանի հարցով դիրքորոշումը, անգամ, եթե ԱՄՆ-ն փոխի իր տեսակետը, հայտարարել է ԵՄ դիվանագիտության ղեկավար Ֆեդերիկա Մոգերինին ԵՄ անդամ երկրների ԱԳՆ ղեկավարների հետ արտակարգ հանդիպումից հետո։ Այս մասին հայտնում է RIA Novosti-ն։
«Ինչ վերաբերում է Ռուսաստանին, գիտեք, որ ԵՄ-ը զբաղեցրել է շատ սկզբունքային դիրքորոշում Ղրիմի անօրինական միացման և Ուկրաինայի իրավիճակի պատճառով։ Դա չի փոխվի, չնայած մյուսների քաղաքականության հնարավոր փոփոխությանը»,- հայտարարել է նա լրագրողներին։
Մոգերինին նշել է, որ «ԵՄ-ն շփվում է ու աշխատում Ռուսաստանի հետ բազմաթիվ հարցերում, այդ թվում՝ իրանական միջուկային պայմանավորվածությունների, մերձավորարևելյան խաղաղ գործընթացի, Լիբիայի, ահաբեկչության հակազդման շրջանակներում»։
