Fox News-ի հաղորդավարուհին պատմել է ընտրություններից առաջ լրագրողներին կաշառելու Թրամփի փորձերի մասին
Fox News հեռուստաալիքի հաղորդավար Մեգին Քելլին իր մեմուարների գրքում հայտարարել է ԱՄՆ նորընտիր նախագահ Դոնալդ Թրամփի փորձերի մասին՝ նվերների օգնությամբ հասնել լրագրողների բարեհաճությանը: Այս մասին հայտնում է Associated Press գործակալությունը, որի տրամադրության տակ հայտնվել է գրքի օրինակը:
«Դա 2016թ. քարոզարշավի չպատմված պատմություններից է: Ես միակ լրագրողը չէի, ում Թրամփը նվերներ է առաջարկել»,- գրել է Settle for more գրքի հեղինակը:
Քելլիի խոսքով՝ քաղաքական գործիչն իրեն առաջարկել է օթևանել Նյու Յորքի իր հյուրանոցում կամ վճարել իր և ամուսնու՝ Ֆլորիդա թռիչքը, որտեղ կկարողանային այցելել Թրամփի «Մար-ա-Լագո» նստավայրը:
Նման առաջարկություններից հրաժարվելը, նշել է լրագրողը, եղել է հեշտ:
