Մոսկվայում մահացել է «Ռուսաստանի ձայնը» նախագծի մասնակից Անդրեյ Դավիդյանը
Ինչպես հայտնում է Life-ը, այսօր առավոտյան Մոսկվայի հիվանդանոցներից մեկում մահացել է երաժիշտ Անդրեյ Դավիդյանը: Երաժիշտը հանրությանն առավել հայտնի էր «Ռուսաստանի ձայնը-2» նախագծից:
Ավելի վաղ 60-ամյա արտիստը հիվանդանոց էր տեղափոխվել ինսուլտի ախտանշաններով և գտնվում էր կոմայի մեջ:
Նրա հայրը ԽՍՀՄ վաստակավոր արտիստ, տենոր Սերգեյ Դավիդյանն էր, մայրը` դաշնակահարուհի: Ավարտել էր Լոմոնոսովի անվան Մոսկվայի պետական համալսարանը, ուսումնասիրել Ասիայի և Աֆրիկայի երկրների մշակույթը:
