Ֆրանսիայում արտակարգ դրությունը կերկարաձգվի
Ֆրանսիայի վարչապետ Մանուել Վալսը հայտարարել է, որ 1 տարի առաջ ահաբեկչությունների հետևանքով սահմանված արտակարգ դրության ռեժիմը, ամենայն հավանականությամբ, կերկարաձգվի:
BBC-ին տված հարցազրույցում Վալսն ասել է, որ Ֆրանսիան պետք է պաշտպանի ժողովրդավարությունը հաջորդ տարին կայանալիք նախագահական ընտրություններին ընդառաջ:
Ֆրանսիայում արտակարգ դրության ռեժիմը սահմանվել էր նոյեմբերի 13-ի ահաբեկչություններից հետո, որը խլել էր 130 մարդու կյանք:
Կատարվածի պատասխանատվությունն ստանձնել էր ԴԱԻՇ-ը:
