Կիևյան-Օրբելի, Բաղրամյան-Պռոշյան խաչմերուկներում գործող լուսացույցը խափանվել է. պատճառը հոսանքի անջատումներն են
Երեւանի Կենտրոն վարչական շրջանում մի քանի լուսացույց չի աշխատում: Պատճառը հոսանքի անջատումներն են: «Լուսացույցի խափանման դեպքում մեր օպերատիվ կառավարման կենտրոն ահազանգ է ստացվում եւ հարցին արագ լուծում է տրվում»,-«Արմենպրես»-ի հետ զրույցում ասաց Ճանապարհային ոստիկանության ճանապարհապարեկային ծառայության բաժնի պետ, ոստիկանության գնդապետ Նորիկ Սարգսյանը:
«Արմենպրես»-ի թղթակիցը Երևանի կենտրոնում շրջայցի արդյունքում արձանագրել է, որ խափանվել էին Կիեւյան-Օրբելի, Բաղրամյան-Պռոշյան խաչմերուկներում գործող, ինչպես նաեւ Ամիրյան փողոցից դեպի Հանրապետության Հրապարակ տանող ճանապարհի լուսացույցները:
