Սաակաշվիլիի կինը հրաժարվել է պատգամավորական մանդատից
Վրաստանի նախկին նախագահ Միխայիլ Սաակաշվիլիի կինը` Սանդրա Ռուլոֆսը տեղեկացրել է Կենտրոնական ընտրական հանձնաժողովին պատգամավորական մանդատից հրաժարվելու մասին: Այդ մասին «Ռիա-նովոստի»-ին տեղեկացրել է հանձնաժողովի մամուլի խոսնակ Աննա Միկելաձեն:
«Սանդրա Ռուլոֆսն իրոք դիմել է ԿԸՀ-ին նման խնդրանքով»,- ասել է Միկելաձեն:
Խորհրդարանական ընտրություններին Ռուլոֆսը նախկին իշխող «Միասնական ազգային շարժում» կուսակցության երկրորդ համարն էր, որի հիմնադիրը նրա ամուսինն է:
