«Վրացական երազանքն» առաջադրել է Իրակլի Կոբախիձեի թեկնածությունը խորհրդարանի խոսնակի պաշտոնում
Վրաստանի խորհրդարանական ընտրություններում հաղթած «Վրացական երազանք» կուսակցությունը ներկայացրել է Վրաստանի խորհրդարանական պաշտոններում թեկնածուների ցուցակը, երկրի խորհրդարանի խոսնակի պաշտոնում թեկնածուն կուսակցության գործադիր քարտուղար Իրակլի Կոբախիձեն է:
Տվյալ որոշումը ընդունվել է կուսակցւթյան քաղխորհրդի նիստում, որը կայացել է կիրակի: Հայտարարությունը տարածել է կուսակցության մամուլի ծառայությունը, հայտնում է RIA Novosti-ն:
«Խորհրդարանի նախագահի պաշտոնի թեկնածուն Իրակլի Կոբախիձեն է, նախագահի առաջին տեղակալի պաշտոնում ներկայացված է Թամարա Չուգոշվիլին, ինչպես նաև տեղակալներ են առաջադրված Գիա Վոլսկին ու Զվիադ Ձիձիգուրին (8-րդ գումարման պատգամավորներ)»,- ասված է հայտարարության մեջ:
Կուսակցությունը ներկայացրել է խորհրդարանական կոմիտեների նախագահների պաշտոնում թեկնածուներին:
Խորհրդարանը պետք է ներկայացված թեկնածուներին հաստատի ձայների մեծամասնությամբ:
