«ԵՄ-ն կարևոր է համարում ԼՂ հակամարտության կողմերի հետ աշխատանքը». Մալենա Մարդ
Եվրամիությունը գոհ է Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Հերբերտ Զալբերի տարածաշրջան կատարած այցից, հայտարարել է Ադրբեջանում ԵՄ ներկայացուցչության ղեկավար Մալենա Մարդը:
«Հերբերտ Զալբերն այցելում է Հայաստան և Ադրբեջան իր համանախագահության մանդատի շրջանակում՝ աջակցելով Լեռնային Ղարաբաղի հակամարտության խաղաղ կարգավորմանը։ Նրա այցը տարածաշրջան շատ կարևոր է և օգտակար»,- ասել է Մալենա Մարդը լրագրողներին։
Դիվանագետը նաև նշել է, որ ԵՄ-ի համար շատ կարևոր է շփման մեջ գտնվել հակամարտող կողմերի հետ։
«ԵՄ-ն կարևոր է համարում հակամարտող կողմերի հետ աշխատանքը։ Դուք գիտեք, որ մենք աջակցում ենք հակամարտության խաղաղ կարգավորմանը և այդ ուղղությամբ ԵԱՀԿ Մինսկի խմբի ջանքերին»,- նշել է Մարդը։
