«Պուտինի այցը Ղրիմ չի վերաբերում Ուկրաինային». Պեսկով
ՌԴ նախագահի մամուլի քարտուղար Դմիտրի Պեսկովը, մեկնաբանելով Ուկրաինայի բողոքը՝ կապված Վլադիմիր Պուտինի՝ Ղրիմ կատարելիք այցի հետ, հայտարարել է, թե երկրի նախագահը իրավունք ունի այցելել ռուսական ցանկացած շրջան, հայտնում է RIA Novosti-ն։
«Ուկրաինան ավանդաբար բողոք է հայտնում։ Եվ մենք ավանդաբար այդ բողոքներին ուշադրություն չենք դարձնում, քանի որ նախագահն այցելում է Ռուսաստանի այն շրջաններ, որոնք նա անհրաժեշտ է համարում»,- հայտարարել է Պեսկովը։
Նա հավելել է, որ Ռուսաստանի շրջաններ այցելելու նախագահի ընտրությունը չի վերաբերում ոչ մի երկրի, ներառյալ՝ Ուկրաինային։
