Աճեր և անկումներ՝ կաթնամթերքի արտադրությունում
2016 թվականի հունվար-օգոստոսին Հայաստանում արտադրվել է 16 հազար 600,8 տոննա պանիր: Ըստ ՀՀ ազգային վիճակագրության հրապարակած տվյալների, պանրի արտադրությունը նախորդ տարվա նույն ժամանակահատվածի նկատմամբ աճել է 27,5 տոկոսով: Կաթի արտադրությունն այս տարվա առաջին ութ ա;միսներին կազմել է 358,9 մլն լիտր, ինչը նախորդ տարվա համանուն ժամանակահատվածի նկատմամբ աճ ել է 2,8 տոկոսով:
Պաշտոնական վիճակագրության տվյալներով 3,7 տոկոսով աճ է գրանցել նաև թթվասերի արտադրությունը՝ արտադրվել է 4 հազար 36 տոննա:
Միևնույն ժամանակ 2,3 տոկոսով կրճատվել է մածնի արտադրությունը: 2016 թվականի հունվար-օգոստոսին այն արտադրվել է 4 հազար 151,6 տոննա: 4,3 տոկոսով նվազել է կաթնաշոռի արտադրությունը: 8,3 տոկոսով նվազել է նաև պաղպաղակի արտադրությունը, արտադրվել է ընդամենը 8 մլն 599 հազար լիտր:
