Քերին և Լավրովը հեռախոսազրույցում քննարկել են Հալեպի վիճակը
ԱՄՆ պետքարտուղար Ջոն Քերին Ռուսաստանի ԱԳՆ ղեկավար Սերգեյ Լավրովի հետ հեռախոսազրույցում անհանգստություն է հայտնել Սիրիայի Հալեպ քաղաքին հասցվող հարվածների առնչությամբ։ Լավրովը, իր հերթին, դարձյալ հիշեցրել է Միացյալ Նահանգների խոստման մասին՝ տարանջատել չափավոր սիրիական ընդդիմությունը ահաբեկիչներից։
Հեռախոսազրույցը երկու երկրների արտաքին դիվանագիտական գերատեսչությունների ղեկավարների միջև տեղի է ունեցել հոկտեմբերի 24-ի երեկոյան։
«Նրանք խոսել են Ժնևում բազմակողմ բանակցությունները շարունակելու անհրաժեշտության մասին և այն մասին, թե որքան կարևոր է հասնել հրադադարի լիարժեք հաստատման՝ մարդասիրական օգնությունը տեղ հասցնելու համար»,- հայտնել է ԱՄՆ Պետդեպարտամենտի մամուլի ծառայության ղեկավարը։
Ջոն Քիրբին ընդգծել է, որ մի քանի օր շարունակվող մարդասիրական դադարը բավարար չի եղել, որպեսզի օգնությունը հասցվի Հալեպի պաշարված բնակիչներին։
