Իրաքում արգելել են ալկոհոլի վաճառքն ու արտադրությունը
Իրաքի խորհրդարանը արգելք է սահմանել ալկոհոլի վաճառքի, ներկրման ու արտադրության վրա:
Օրենքի կողմնակիցները հայտարարում են, որ այն համապատասխանում է երկրի Սահմանադրությանը, որը արգելում է ցանկացած օրենքը ընդունում, որը հակասում է իսլամի դրույթներին:
Օրենքի հակառակորդները հայտարարում են, որ դա խախտում է կրոնական դավանանքի ազատության ու փոքրամասնությունների, օրինակ՝ քրիստոնյաների ավանդույթների սահմանադրական իրավունքը:
Նրանք արդեն խոստացել են դիմել դատարան՝ բողոքելու օրենքի ընդունման դեմ:
Ինչպես հայտնում է AFP գործակալությունը, ալկոհոլը հազվադեպ է առաջարկվում Իրաքի հյուրանոցներում ու ռեստորաններում, սակայն դրա կիրառությունը համեմատաբար տարածված է:
Բաղդադի ոչ մեծ խանութներում կատարվում է ալկոհոլային ըմպելիքների վաճառք:
