«Պապկաներ» չեն լինելու. Կարեն Կարապետյան
ԱԺ ԲՀԿ խմբակցության ղեկավար Նաիրա Զոհրաբյանն այսօր Ազգային ժողովում հարց ուղղեց վարչապետ Կարեն Կարապետյանին, թե արդյոք մաքսային համակարգում շարունակվելո՞ւ է «պապկաների» պրակտիկան, որով գործարարներին «քերթում են»։
«Պապկաներ չեն լինելու։ Լինելու են են բրոքերային կառույցներ, ինչպես ընդունված է աշխարհի տարբեր երկրներում, և գործարարն ինքն է ընտրելու՝ ինչպես մաքսազերծի իր ապրանքը»,- պատասխանեց Կարեն Կարապետյանը՝ ավելացնելով, որ որևէ պարտադրանք գործարարների վրա չի լինելու։
Հիշեցնենք, որ Ազգային ժողովում մեկնարկել է արտահերթ նիստը, որի օրակարգում ՀՀ կառավարության ծրագրին հավանություն տալու հարցն է։
