Շաքարավազի արտադրությունը կտրուկ աճել է
2016 թվականի հունվար-օգոստոսին Հայաստանում արտադրվել է 54119 տոննա շաքարավազ` նախորդ տարվա նույն ժամանակահատվածի 20750 տոննայի դիմաց։ Այս մասին տեղեկանում ենք ՀՀ Ազգային վիճակագրական ծառայության տվյալներից։
Նախորդ տարվա հունվար-օգոստոսի համեմատ շաքարավազի արտադրությունն աճել է 2.6 անգամ. նման ցուցանիշ ԱՎԾ-ի ներկայացրած ցանկից ոչ մի այլ արտադրատեսակ չի գրանցել։
Աճի ցուցանիշով երկրորդ տեղում վիսկին է։ Ընթացիկ տարում վիսկիի արտադրության ծավալները գրեթե կրկնապատկվել են (91.1% աճ)։ Այս տարվա հունվար-օգոստոսին Հայաստանում արտադրվել է 1023.3 հազար լիտր վիսկի։
Ուշագրավն այն է, որ այս երկու արտադրատեսակների միակ արտադրող ընկերությունները պատկանում են նույն մարդուն՝ ԱԺ պատգամավոր Սամվել Ալեքսանյանին։
