Թուրքիայում ընդդիմության առաջնորդը կարող է կալանավորվել
Թուրքիայի դատախազությունը մեղադրական եզրակացություն է պատրաստել Թուրքիայի գլխավոր ընդդիմադիր «Ժողովրդա-հանրապետական» կուսակցության (ԺՀԿ) առաջնորդ Քեմալ Քըլըչդարօղլուի դեմ՝ կապված երկրի նախագահ Ռեջեփ Էրդողանի որդու՝ Բիլալ Էրդողանի հասցեին ունեցած ելույթի համար, հայտնում է թուրքական Haberturk թերթը։
Թերթի տեղեկություններով՝ «Վիրավորանք ԶԼՄ-ների միջոցով» մեղադրանքի շրջանակում Քեմալ Քըլըչդարօղլուն կարող է ազատազրկվել 4-20 ամսով։
Վերջինս ավելի վաղ մեղադրվել է ԶԼՄ-ներով երկրի ղեկավարի հասցեին ելույթներ ունենալու մեջ, սակայն հուլիսի 27-ին Էրդողանը որոշում էր կայացրել հետ կանչել բոլոր հայցերը, որոնք դատարան էր ներկայացրել երկրի ընդդիմադիր քաղաքական առաջնորդների դեմ։
