Վրաստանի խորհրդարան է անցել 3 կուսակցություն. ԿԸՀ
Վրաստանի ԿԸՀ-ը հայտարարել է բոլոր ընտրատեղամասերում քվեների հաշվարկն ավարտելու մասին, հայտնում է «Գրուզիա օնլայնը»։ ԿԸՀ-ն նշել է, որ 100 տոկոսով ավարտված է քվեների հաշվարկը։
Համաձայն այդ տվյալների՝ իշխող «Վրացական երազանք» կուսակցությունը համամասնական համակարգով անցկացված ընտրություններում հավաքել է ընտրողների ձայների 48.65 տոկոսը, իսկ Վրաստանի նախկին նախագահ Միխայիլ Սաակաշվիլիի ընդդիմադիր «Միացյալ ազգային շարժումը»՝ ձայների 27.12 տոկոսը։
Խորհրդարան մուտք գործելու 5 տոկոսանոց արգելքը հաղթահարել է նաև «Վրաստանի հայրենասերների դաշինք» կուսակցությունը։
Այդպիսով, Վրաստանի խորհրդարանական ընտրությունների արդյունքներով խորհրդարան է անցել 3 կուսակցություն։
Տվյալները հաշվարկվել են 3702 ընտրատեղամասերից․
150-տեղանոց խորհրդարանի պատգամավորները ընտրվել են 4 տարով։
