Շինարարության անկումը շարունակվում է

2016 թվականի հունվար-օգոստոսին Հայաստանի Հանրապետությունում իրականացված շինարարության ծավալը կազմել է 196.7 մլրդ դրամ։ Նախորդ տարվա նույն ժամանակահատվածի համեմատ շինարարությունը կրճատվել է 7.5%-ով։

Շինարարության ընդհանուր ծավալի 48.5%-ը իրականացվել է կազմակերպությունների միջոցների հաշվին, 23.6%-ը՝ բնակչության միջոցների, 14.4%-ը՝ միջազգային վարկերի, 10.2%-ը՝ պետբյուջեի հաշվին։

Ընդ որում, կազմակերպությունների կողմից իրականացված շինարարության ծավալները նախորդ տարվա նույն ժամանակահատվածի նկատմամբ կրճատվել են 9.1%-ով, բնակչության դեպքում՝ 7.9%-ով, իսկ պետբյուջեի հաշվին իրականացված շինարարությունը կրճատվել է 25.6%-ով։

Միջազգային վարկերի հաշվին իրականացված շինարարության ծավալը 27.3%-ով աճել է՝ հասնելով 28.2 մլրդ դրամի։ Սա պայմանավորված է հիմնականում Ասիական զարգացման բանկի վարկային միջոցներով իրականացված շինարարության 45%-անոց աճով (ԱԶԲ-ի վարկային միջոցներով է իրականացվում Հյուսիս-Հարավ ավտոճանապարհի շինարարությունը)։

Սա նշանակում է, որ շինարարության ոլորտում վիճակն իսկապես խիստ մտահոգիչ է, ու եթե չլիներ վարկերի հաշվին իրականացվող շինարարությունը, որոտի անկման ցուցանիշը կարտահայտվեր երկնիշ թվով։