Գաբրիել Սարգսյանը, Սերգեյ Մովսիսյանը և Հրանտ Մելքումյանը կմասնակցեն «Այլ օֆ Մեն» միջազգային հեղինակավոր մրցաշարին
Հոկտեմբերի 1-ին Անգլիայում մեկնարկում է «Այլ օֆ Մեն» միջազգային հեղինակավոր մրցաշարը: Մրցաշարի այս տարվա մասնակիցների թվում են Ֆաբիանո Կարուանան, Հիկարու Նակամուրան, Ուեսլի Սոն, Պավել Էլյանովը, Մայքլ Ադամսը, Վան Հաոն, Ալեքսեյ Շիրովը, կանանց աշխարհի չեմպիոն Հոու Յիֆանը և շատ այլ գրոսմայստերներ:
Մրցաշարին մասնակցում են նաև Հայաստանի տղամարդկանց ազգային հավաքականի անդամներ Գաբրիել Սարգսյանը, Սերգեյ Մովսիսյանը և Հրանտ Մելքումյանը:
