Պուտինի գործերի կառավարիչ թոփ-մենեջերն ինքնասպան է եղել. ԶԼՄ-ներ
«Պրեզիդենտ-Սերվիս» ընկերության ղեկավար Դմիտրի Կրյուկովն ինքնասպան է եղել։ Նրա մարմնի հարևանությամբ հայտնաբերվել է գրություն, հայտնում է RIA Novosti-ն՝ հղում կատարելով իրավապահ մարմիններին։
Գործակալությունից հայտնել են, որ նա գրության մեջ խնդրում է ոչ ոքի իր մահվան մեջ չմեղադրել։
Ավելի վաղ հայտնի էր դարձել, որ Արբատի վրա տեղակայված ադմինիստրատիվ շինություններից մեկի գրասենյակում տղամարդու դի է հայտնաբերվել։
Կայքի տեղեկություններով՝ «Պրեզիդենտ-Սերվիս» ընկերությունը զբաղվել է պետական մարմինների, կազմակերպությունների և մասնավոր անձանց սպասարկման համալիր ծառայություններով։
Ընկերության պատվիրատուներն են եղել ՌԴ նախագահի վարչակազմը, կառավարությունը, ինչպես նաև արդյունաբերական ընկերություններն ու բանկերը։
