««Բավարիան», ի տարբերություն «Ռեալի», ղեկավարում է նախկին ֆուտբոլիստ, և նա ամեն ինչ ավելի լավ է հասկանում». Անչելոտի
«Բավարիայի» գլխավոր մարզիչ Կարլո Անչելոտին համեմատել է Մյունխենյան ակումբի ղեկավարների և «Ռեալի» նախագահի աշխատաոճերը:
«Ո՞րն է «Բավարիայի» և «Ռեալի» տարբերությունը: Այս ակումբները շատ նման են: Թերևս, միակ տարբերությունն այն է, որ «Բավարիան» ղեկավարում է նախկին ֆուտբոլիստ, և նա ամեն ինչ ավելի լավ է հասկանում»,- Անչելոտիի խոսքերն է մեջբերում Sport.es-ը:
Իտալացին գլխավորեց «Բավարիան» ամռանը՝ փոխարինելով Խոսեպ Գվարդիոլային: Չորս տուրերի ընթացքում մյունխենցիները տարել են չորս հաղթանակ:
2014թ. «Ռեալն» Անչելոտիի գլխավորությամբ դարձավ Չեմպիոնների լիգայի չեմպիոն: Հաջորդ գարնանը նա ազատվեց աշխատանքից:
«Բավարիայի» ղեկավար կազմի նախագահի պաշտոնը զբաղեցնում է ակումբի նախկին ավագ Կարլ-Հայնց Ռումենիգեն:
Պատրաստեց Անի Գաբուզյանը
