Ողբերգական դեպք Սյունիքի մարզում. ավտոմեքենան բախվել է ձիուն. կա 1 զոհ, 2 վիրավոր
Սեպտեմբերի 23-ին, ժամը 06.16-ին ահազանգ է ստացվել, որ Գորիս-Սիսիան ավտոճանապարհին տեղի է ունեցել ՃՏՊ, կա տուժած. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Սիսիան-Գորիս հատվածի 16-րդ կմ-ին «Opel Astra» մակնիշի 34 RR 434 պետհամարանիշով (վարորդ՝ 1956 թ. ծնված Վ. Բ. , ԼՂՀ քաղաքացի) ավտոմեքենան բախվել է ձիուն և դուրս եկել ճանապարհի երթևեկելի հատվածից, այնուհետև բախվել հարակից ժայռին:
Մինչ փրկարարների՝ կանչի վայր հասնելը վարորդը հոսպիտալացվել է Սիսիանի ԲԿ, որտեղ նա մահացել է, իսկ ուղևորներ՝ 1956 թ. ծնված Ռ. Դ.-ը և 1961 թ. ծնված Ա. Ա.-ը հոսպիտալացվել են Գորիսի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենան և ձին դուրս բերել ճանապարհի երթևեկելի հատվածից:
