Հայտնվել է Սիրիայում մարդասիրական ավտոշարասյանը հասցված ավիահարվածի տեսագրությունը
Տեսանյութը, որտեղ երևում է Հալեպում ՄԱԿ-ի և Կարմիր մահիկի մարդասիրական ավտոշարասյան ռմբակոծության պահը, տեղադրվել է YouTube-ում։
Տեսանյութում երևում են մի շարք հզոր պայթյուններ, ինչի հետևանքով ոչնչացվել է 18 բեռնատար և զոհվել նվազագույնը 14 մարդ։
Ավտոշարասյունն ուղևորվում էր ապստամբների վերահսկողության տակ գտնվող շրջաններ։ Տեսանյութում երևում են նաև ավիահարվածի հետևանքները, իսկ կամավորներից մեկը պատմել է հարձակման մասին։
Դրանից հետո ՄԱԿ-ը հայտարարել է, որ դադարեցրել է մարդասիրական ավտոշարասյուների ուղարկումը Սիրիա։
ԱՄՆ-ն իր վրդովմունքն է հայտնել տեղի ունեցածի առնչությամբ և հայտարարել Սիրիայի հարցով Ռուսաստանի հետ ապագա համագործակցության վերանայման մասին։
