«ԵԱՀԿ արտգործնախարարները կքննարկեն Ղարաբաղյան հակամարտությունը». Շտայնմայեր
Միջազգային օրակարգի բոլոր հիմնական հարցերը պլանավորվում է քննարկել ԵԱՀԿ արտգործնախարարների ոչ պաշտոնական խորհրդում, հայտնել է հանդիպման կազմակերպիչ, Գերմանիայի արտգործնախարար Ֆրանկ-Վալտեր Շտայնմայերը:
Հանդիպումը տեղի կունենա սեպտեմբերի 1-ին Պոտսդամում, հայտնում է RIA Novosti-ն:
«Ճգնաժամերով բռնկված ներկայիս աշխարհում ԵԱՀԿ-ի դերը, հավանաբար, կարևոր է, քան երբևէ: Դա վերաբերում է ճգնաժամային մենեջմենթին Ուկրաինայի արևելքում, Մերձդնեստրում, Լեռնային Ղարաբաղում և Եվրոպայի այլ հակամարտություններում»,- հայտարարել է Շտայնմայերը, ում խոսքերը մեջբերել է Գերմանիայի ԱԳՆ մամուլի ծառայությունը:
Նրա խոսքով` գերմանական պատվիրակությունը պլանավորում է Պոտսդամում քննարկել այդ երեք կարևորագույն թեմաները, ինչպես նաև միջազգային ահաբեկչության և փախստականների հարցերը:
