Մոսկվայի կենտրոնում բանկը պայթեցնել սպառնացող տղամարդը պատանդ է վերցրել
Մոսկվայի Բոլշոյ Նիկիտսկի փողոցում բանկ պայթեցնել սպառնացող տղամարդը պատանդ է վերցրել: Այդ մասին Interfax-ին տեղեկացրել է արտակարգ իրավիճակների ծառայության աղբյուրը:
Գործակալության զրուցակցի խոսքով` տղամարդը և պատանդը գտնվում են Բոլշոյ Նիկիտսկի փողոցի 15 շենքում գտնվող բանկում:
Ավելի վաղ հայտնի էր դարձել, որ 50-55-ամյա տղամարդը Մոսկվայի կենտրոնում սպառնում է բանկ պայթեցնել: Նրա վզին ամրացված է լարերով արկղ:
Դեպքի վայր են ժամանել ոստիկանության ուժեր:
