Քիմ Քարդաշյանն արձակուրդն անցկացնում է Մեքսիկայում
Հեռուստաաստղ Քիմ Քարդաշյանը ամուսնու՝ Քանիե Ուեսթի եւ իր երկու երեխաների հետ ժամանել է Մեքսիկայի Պունտա-Միտա առողջարան, հաղորդում է Hollywood Life-ը: Թղթակիցները «Քարդաշյանների ընտանիքը» ամերիկյան ռեալիթի շոուի հերոսուհուն նկարահանել են լողափին: Օբյեկտիվում հայտնվել են նաեւ երեք տարեկան Նորթ Ուեսթը եւ իննամսական Սեյնթ Ուեսթը:
Ինչպես նշում է kp.ru կայքը, սա 35-ամյա Քարդաշյանի առաջին հայտնվելն է բիկինիով այն բանից հետո, երբ նա հայտարարեց ավելորդ քաշի դեմ իր պայքարն ավարտելու մասին: Քիմի խոսքով՝ իրեն հաջողվել է նիհարել 30 կգ այն ժամանակվանից, երբ ինքը 2015 թվականի դեկտեմբերին ունեցավ իր երկրորդ երեխային:
