Երևան-Իջևան ավտոճանապարհին ավտոմեքենան դուրս է եկել ավտոճանապարհի երթևեկելի հատվածից
Օգոստոսի 15-ին, ժամը 16.30-ին ահազանգ է ստացվել, որ Դիլիջանի թունելի մոտակայքում տեղի է ունեցել ՃՏՊ, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է որ Երևան-Իջևան ավտոճանապարհի 76-րդ կմ-ին «Opel Vectra» մակնիշի 35 VL 930 պ/հ (վարորդ՝ 1941 թ. ծնված Մ. Ղ.) դուրս է եկել ավտոճանապարհի երթևեկելի հատվածից և բախվել բետոնե արգելապատնեշին. տուժածներ չկան:
Փրկարարներն ավտոմեքենան դուրս են բերել ճանապարհի երթևեկելի հատված:
