Ավստրալացի ամուսինները վիթխարի ձագարափոս են հայտնաբերել իրենց տան բակում
Ավստրալիայի Իփսուիչ քաղաքում տարեց ամուսիններն իրենց տան հետին բակում հայտնաբերել են վիթխարի ձագարափոս՝ լի խլթխլթացող ջրով: Սարսափազդու փոսի տեսագրությունը՝ Youtube theater անվանումով, հրապարակվել է YouTube-ալիքում:
Ռեյ եւ Լին Մակքեյները փոսի մասին իմացել են հուզված հարեւաններից, որոնք տարեց ամուսիններին հայտնել են, որ նրանց հետին բակում ոչ մեծ փոս է հայտնվել: «Ես դուրս եկա բակ եւ գետնի մեջ փոս տեսա: Այն շատ փոքր էր մոտավորապես մեկ մետրի չափ, բայց այդ ժամանակվանից խիստ մեծացել է»,- պատմել է ընտանիքի ղեկավարը՝ Մակքեյը:
Իփսուիչի քաղաքագլուխ Փոլ Փիսասելի խոսքով՝ առայժմ իշխանությունները չեն կարող ստույգ ասել, թե հատկապես ինչ է տեղի ունեցել, բայց ենթադրություն կա, որ ձագարափոսի հայտնվելու պատճառը հին հանքահորն է, որը գտնվում է հենց տան տակ:
