Թուրքիայի փողոցներում մարդկանց թիվն աճում է, լսվում են կրակոցներ
Թուրքիայում լարվածությունը մեծանում է։ Ինչպես նշել ենք, այդ երկրի զինված ուժերի գլխավոր շտաբը հայտարարել է, որ վերցրել է իշխանությունը։
Սակայն Թուրքիայի նախագահ Ռեջեփ Թայիփ Էրդողանը սկայպի միջոցով հարցազրույց է տվել թուրքական լրատվամիջոցներին և մարդկանց կոչ արել դուրս գալ փողոց։
Ինչպես երևում է կադրերին, այդ կոչին մեծ թվով մարդիկ են հետևել։ Մարդկանց և մեքենաների թիվը գնալով մեծանում է։ Անկարայում լսվում են կրակոցներ, սակայն հասկանալի չէ՝ ում կողմից և ում ուղղությամբ։
Ինքնաթիռները նույնպես շարունակում են պտտվել երկնքում։
Մեծ է հավանականությունը, որ կարող է բախում տեղի ունենալ բնակչության և զինված ուժերի միջև։
