Բյուջեի պակասուրդը հունվար-մայիսին գերազանցել է 76 մլրդ դրամը
ՀՀ պետական բյուջեի եկամուտները 2016 թվականի հունվար-մայիսին կազմել են 441.4 մլրդ դրամ։ Ծախսերը նույն ժամանակահատվածում եղել են 517.78 մլրդ դրամ։ Այսպիսով, ՀՀ պետական բյուջեն առաջին 5 ամիսների կտրվածքով կատարվել է 76.37 մլրդ դրամի պակասուրդով, որը ֆինանսավորվել է ներքին աղբյուրների հաշվին։
Համեմատության համար նշենք, որ 2015 թվականի նույն ժամանակահատվածում պետբյուջեի պակասուրդը 48.8 մլրդ դրամ էր։
Պետական բյուջեի եկամուտների մեծ մասը ձևավորվել է հարկերից և տուրքերից։ 2016 թվականի հունվար մայիսին հավաքագրվել է 420.1 մլրդ դրամ հարկ և տուրք։
Ամենից շատ բյուջետային մուտքեր ապահովել են հետևյալ հարկատեսակները՝ ԱԱՀ-ն (146.9 մլրդ դրամ), եկամտային հարկը (125.88 մլրդ դրամ) և շահութահարկը (58.2 մլրդ դրամ)։
