Սեխի օգտակար հատկանիշները
Սեխը դդմազգիների ընտանիքին պատկանող բոստանային մշակաբույս է։ Այն հարուստ է մի շարք սննդարար տարրերով, օրինակ՝ վիտամին C-ով և վիտամին A-ով: Բացի այդ, սեխը հարուստ է պղնձով, B խմբի վիտամիններով, կալիումով, ֆոլատով, մագնեզիումով և մանրաթելերով:
Մեկ բաժակ սեխը պարունակում է 1,5 գրամ պրոտեին: Այն նաև պարունակում է՝
- Վիտամին K
- Նիացին
- Խոլին
- Կալցիում
- Ֆոսֆոր
- Ցինկ
- Պղինձ
- Մանգան
- Սելեն
1. Սեխը խթանում է իմունիտետը
Սեխը հարուստ է հակաօքսիդանտներով, որոնք խթանում են իմունային համակարգն ու կանխարգելում են ինֆեկցիաները: Սեխը պարունակում է վիտամին C, որն էլ կանխարգելում է ազատ ռադիկալների վատ ազդեցությունը, լավացնում է իմունիտետը:
2. Կանխարգելում է քաղցկեղը
Սեխը բոլոր մրգերի մեջ ամենաշատ վիտամին A պարունակողն է: Վիտամին A-ն հզոր հակաքաղցկեղային վիտամին է:
3. Պոլիֆենոլի աղբյուր է
Սեխը պարունակում է 2 յուրօրինակ ֆիտոսննդարար տարրեր՝ կարոտենոիդներ և կուկուրբիտացին: Այս երկու հակաօքսիդանտները կանխարգելում են քաղցկեղը, սրտանոթային համակարգի և նեյրոդեգեներատիվ խանգարումները:
Նյութը հրապարակման պատրաստեց Լիլիթ Հարությունյանը