«Ռոնալդուն Ոսկե գնդակը կարող է ստանալ միայն արտաքին տվյալների համար». Ստոիչկով
«Բարսելոնայի» նախկին հարձակվող Խրիստո Ստոիչկովը խոսել է պորտուգալացի ֆուտբոլիստ Կրիշտիանու Ռոնալդուի որակների մասին: Ստոիչկովը նշել է, որ Ռոնալդուն արժանի չէ ստանալու Ոսկե գնդակ 2016-ը:
«Կան շատ թեկնածուներ, որոնք ավելի արժանի են դառնալ լավագույնը: Օրինակ՝ Գրիզմանը: Ռոնալդուն Ոսկե գնդակը կարող է ստանալ միայն արտաքին տվյալների համար»,- նշել է Ստոիչկովը:
Բուլղարացի ֆուտբոլիստը խոսել է նաև արգենտինացի ֆուտբոլիստ Մեսսիի մասին՝ նշելով, որ նա վստահաբար կվերադառնա հավաքական:
Սիրարփի Աղաբաբյան
