Սկանդալից հետո ամերիկյան կինոակադեմիան իր շարքերում բազմազանություն է մտցրել
Ամերիկյան կինոակադեմիան, որը հանձնում է «Օսկար» մրցանակները, արձագանքել է փետրվարյան սկանդալին, երբ նրան մեղադրեցին անվանակարգորդների թվում սեւամորթ դերասանների պակասի մեջ, տեղեկացնում է BBC-ն:
Այժմ ակադեմիան իր շարքեր է հրավիրել 683 մարդու, որոնց 46 տոկոսը կանայք են եւ 41 տոկոսը՝ Էթնիկ ու ռասայական փոքրամասնությունների ներկայացուցիչներ:
Նորակոչիկների շարքերում են նաեւ սեւամորթ բրիտանացիներ Իդրիս Էլբան եւ Ջոն Բոյեգան:
Կինոակադեմիայի նոր ներկայացուցիչների տարիքային զանազանությունը նույնպես տպավորիչ է. նորեկներից ամենակրտսերը 24 տարեկան է, իսկ ամենաավագը՝ 91 տարեկան:
Կինոակադեմիայում, հաշվի առնելով նորեկներին, ընդամենը կլինի 7 789 անդամ:
