Հարկավոր է ամբողջությամբ օգտագործել բանակցությունների գոյություն ունեցող ձևաչափը ԼՂ հակամարտության լուծման համար. Լամբերտո Զանիեր
Հարկավոր է ամբողջությամբ օգտագործել բանակցությունների գոյություն ունեցող ձևաչափը Լեռնային Ղարաբաղի հակամարտության լուծման համար: Այս մասին, ինչպես հայտնում է Trend-ը, այսօր Վիեննայում մեկնարկած Անվտանգության ոլորտի խնդիրների քննարկմանը նվիրված տարեկան համաժողովի ժամանակ հայտարարել է ԵԱՀԿ գլխավոր քարտուղար Լամբերտո Զանիերը:
Նրա խոսքով՝ Լեռնային Ղարաբաղում հայ-ադրբեջանական զորքերի շփման գծում վերջին բախումները լուրջ անհանգստություն են հարուցել:
«Հարկավոր է առաջ շարժվել հակամարտության կարգավորման հարցում: ԵԱՀԿ-ի ուժեղ ներկայությունը տեղում կարող է կայունացնող դեր խաղալ»,- ասել է նա:
