«Սեփական ժողովրդի շահերը պաշտպանող լրատվամիջոցներին պարտվելն ամոթ չէ մեզ համար». Շարմազանովը լրագրողներին հրավիրեց ֆուտբոլ խաղալու
Այսօր Ազգային ժողովում լրագրողների հետ զրույցի ժամանակ ԱԺ փոխնախագահ Էդուարդ Շարմազանովն ԱԺ-ում հավատարմագրված լրագրողներին հրավիրեց հուլիսի 4-ին ֆուտբոլ խաղալու՝ վստահեցնելով, որ իրենք հաղթելու են լրագրողներին:
Դիտարկմանը, թե՝ ամեն տարի դուք պարտվել եք, ԱԺ փոխնախագահն այսպես արձագանքեց. «Ես կարծում եմ՝ ամենակարևորը գաղափարն է, բայց սեփական ժողովրդի շահերը պաշտպանող լրատվամիջոցներին պարտվելն ամոթ չէ մեզ համար, ես հույս ունեմ՝ այս խաղը կլինի հետաքրքիր, ու չեն լինի պարտվողներ և հաղթողներ»:
