Թուրքիայի վարչապետը շնորհակալություն է հայտնել Ադրբեջանին ՌԴ-ի հետ հարաբերությունների կարգավորմանը նպաստելու համար
Ադրբեջանական Trend գործակալության հաղորդմամբ՝ Թուրքիայի վարչապետ Բինալի Յըլդըրըմը շնորհակալություն է հայտնել Ադրբեջանին Ռուսաստանի հետ հարաբերությունների նորմալացմանը աջակցություն ցուցաբերելու համար: Այս մասին նա հայտարարել է թուրքական TRT Haber հեռուստաալիքի եթերում:
Նա նաև շնորհակալություն է հայտնել Ռուսաստանի և Ղազախստանի հարաբերությունների նորմալացմանը նպաստելու համար:
«Սկսվել է Թուրքիայի և Ռուսաստանի միջև հարաբերությունների նորմալացման գործընթաց»,- ասել է Յըլդըրըմը:
Հիշեցնենք, որ երեկ ՌԴ նախագահի մամուլի քարտուղար Դմիտրի Պեսկովը հայտարարեց, թե Պուտինը Էրդողանից ստացել է ներողություն պարունակող ուղերձ, որտեղ նա իր ցավակցություններն է հայտնել «Սու-24»-ի զոհված օդաչուի հարազատներին:
