Պան Գի Մունին անհանգստացնում է Ղարաբաղի վիճակը
ՄԱԿ-ն անհանգստացած է ԵԱՀԿ տարածքում ձգձգվող հակամարտությունների առնչությամբ, մասնավորապես հրադադարի ռեժիմի խախտումների դեպքերից, որ տեղ են գտել Լեռնային Ղարաբաղի հակամարտության գոտում:
Ինչպես հայտնում է ադրբեջանական Report կայքը, այս մասին ասվում է ՄԱԿ-ի գլխավոր քարտուղար Պան Գի Մունի ուղերձում՝ ուղղված այսօր Վիեննայում մեկնարկած Անվտանգության համաժողովի մասնակիցներին:
Ուղերձը ներկայացրել է Ժևնում ՄԱԿ-ի գրասենյակի գլխավոր տնօրեն Միխայել Մոլլերը:
Իր ուղերձում Պան Գի Մունը նաև հայտարարել է, որ իր գլխավորած կազմակերպությունը հավատարիմ է աջակցել ԵԱՀԿ ջանքերին՝ լուծելու հակամարտությունները և տարածաշրջանի մյուս կարևոր հարցերը:
