Ֆրանսիական Total-ը կզբաղվի Քաթարի նավթի խոշորագույն հանքավայրի շահագործմամբ
Ֆրանսիական նավթագազային Total ընկերությունը կզբաղվի Քաթարում նավթի խոշորագույն հանքավայրի շահագործմամբ, գրում է Bloomberg-ը:
Նշվում է, որ Total-ը 30% մասնաբաժին էր ստացել Qatar Petroleum-ի հետ համատեղ:
Երկու ընկերությունները կստեղծեն North Oil Co. Ձեռնարկությունը, որը «Շահին» հանքավայրը կշահագործի 25 տարվա ընթացքում:
Ընդ որում՝ մոտակա 5 տարում նախագծում պլանավորվում է ներդնել 2 միլիարդ դոլար, որպեսզի հետագայում արտադրության ծավալներն ավելանան:
