Հռոմի պապը Հայաստան այցի առթիվ հեռագիր է հղել Իտալիայի նախագահին
Հռոմի պապ Ֆրանցիսկոսը Հայաստան այցելության կապակցությամբ, ավանդույթի համաձայն, հեռագիր է հղել Իտալիայի նախագահ Սերխիո Մատարելլային: Այս մասին տեղեկացնում է «Ռադիո Վատիկանը»:
Հեռագրում մասնավորապես ասվում է.
«Մինչ պատրաստվում եմ Հայաստան առաքելական այցելություն կատարելու, մխրճվելու այդ ժողովրդի հինավուրց իմաստության մեջ, հաստատելու նրանց հավատը, ինչպես նաև աջակցելու նրանց՝ խաղաղությանը և համերաշխությանն ուղղված ճանապարհին արվող բոլոր ջանքերին, պարո´ն Նախագահ, ձեզ և Իտալիայի համայն ժողովրդին եմ ուղղում իմ սրտանց ողջույնները, քաջալերում եմ Իտալիայի ժողովրդին՝ կանգուն մնալու զորակցության առաջնագծին՝ ապագային նայելով հույսով ու վստահությամբ»:
