«Լեսթերը» 4 տարով երկարաձգեց պայմանագիրը Ջեյմի Վարդիի հետ
«Աղվեսների» տրանսֆերային սպեկուլյացիաների վերջը դրեցին:
««Լեսթերն» այսօր՝ հինգշաբթի, համաձայնեցրել է Ջեյմի Վարդիի ներկայացուցիչների հետ պայմանագրի երկարաձգումը 4 տարով: Երկու կողմերն էլ հույս ունեն, որ այս հայտարարությունը վերջ կդնի Ջեյմիի Վարդիի ապագայի մասին վերջին շշուկներին ու կհաստատի նրա նվիրվածությունն ակումբին:
Հետագա մեկնաբանություններ չեն հետևի ոչ ակումբից, ոչ էլ ֆուտբոլիստից մինչև Եվրո-2016-ի ավարտը»,- ասվում է «Լեսթերի» պաշտոնական կայքում:
Վարդիով ակտիվորեն հետաքրքրվում էր «Արսենալը»: Ջեյմին մերժել է «Զինագործների» առաջարկը:
Պատրաստեց Անի Գաբուզյանը
