Գերմանացիները շնորհակալ են ԽՍՀՄ-ի ժողովուրդներին՝ հաշտության ձեռք մեկնելու համար. ԳՖՀ-ի ԱԳՆ
Գերմանիայի արտաքին գործերի նախարար Ֆրանկ Վալտեր Շտայնմայերը «Կոմերսանտ» թերթում հրապարակած հոդվածում, որը նվիրված է Հայրենական մեծ պատերազմի սկսվելու օրվա 75-րդ տարելիցին՝ նշել է, որ գերմանացիները շնորհակալ են ԽՍՀՄ-ի ժողովուրդներին՝ հաշտության ձեռք մեկնելու համար:
«Մենք՝ գերմանացիներս, անսահմանորեն շնորհակալ ենք ռուսներին, ուկրաինացիներին, բելառուսներին եւ նախկին Խորհրդային Միության մյուս ժողովուրդներին այն բանի համար, որ նրանք գերանական ժողովրդի անունից կատարված չարագործությունների ու հանցագործությունների դեմ հանդիման ձեռք մեկնեցին մեզ ի նշան հաշտության: Ինչպես նաեւ այն բանի համար, որ պատերազմի եւ կատաղի թշնամանքի, բռնության եւ բարբարոսության, տառապանքների ու տեղահանման ողբերգական փորձից կարողացավ աճել մեզ միավորող ինչ-որ բան, որ հաստատվեցին գործընկերային եւ նույնիսկ բարեկամական հարաբերություններ»,-գրում է Շտայնմայերը:
Նրա կարծիքով՝ Երկրորդ համաշխարհային պատերազմի սարսափների եւ Գերմանիայի մեղքի մասին հիշողության պահպանումը կա ու կլինի Գերմանիայի եւ Ռուսաստանի միջեւ հաշտության անքակտելի պայմանն ու նախադրյալը:
Խորհրդածելով պատերազմի իրադարձությունների մասին՝ Շտայնմայերը նշում էԷ, որ միայն ընդհանուր ջանքերով կարելի Է պահպանել կայուն աշխարհակարգը Եվրոպայում, հաղորդել է ՌԻԱ Նովոստին:
