Աղավնո. Արցախի դարպասը վերաբնակեցվում է
Tsayg.am. Արցախ այցելողները Բերձոր չհասած` Աղավնո գետի ձախ ափին կարող են տեսնել նոր գյուղի շինարարությունը, որն իրականացնում է մի քանի տասնյակ սփյուռքահայերի Արցախ ռութս ինվեսթմենթ (ԱՐԻ) ներդրումային ընկերությունը` Ստեփանակերտի իշխանությունների հետ համատեղ: Աղավնոյում 59 ընտանիք է բնակվել: Նրանք ժամանակավորապես գյուղից դուրս էին եկել, մինչև իրենց հին տները կքանդվեին ու նորերը կկառուցվեին: Ոմանք արդեն բնակարանամուտ են տոնել: Շուրջ 50 տուն արդեն պատրաստ է:
