Գողացել են Մուհամեդ մարգարեի մորուքից մազով անոթը
Թուրքիայում անհայտ անձինք գողացել են Մուհամեդ մարգարեի մորուքից մազով անոթը: Թուրքական «Միլիեթ» թերթի փոխանցմամբ՝ «Sakal-ı Şerif» (Սուրբ մորուք) կոչված անոթը Թուրքիայի Քոջաելի նահանգի Յալը քաղաքի Դեյրմանդերե մզկիթում ցուցադրության էր հանվել մուսուլմանական Ռամադան ամսվա կապակցությամբ:
Գիշերը մզկիթի աշխատկիցները նկատել են, որ անոթը չքացել է: Ոստիկանությունն անմիջապես հետաքննություն է սկսել:
«Sakal-ı Şerif»-ը պահվում է Ստամբուլի Թոփքափը պալատում: Կրոնական տոներին անոթը ցուցադրության է տարվում Թուրքիայի տարբեր նահանգներ:
