ԱՄՆ-ի հարավ-արևմուտքում գրանցվել է օդի ռեկորդային բարձր ջերմաստիճան
Օդի ռեկորդային բարձր ջերմաստիճան է գրանցվել ԱՄՆ-ի հարավարեւմուտյան մասում: AP գործակալության փոխանցմամբ՝ ամենաշոգ եղանակն այն քաղաքներում է, որոնք տեղ են զբաղեցրել Արիզոնայի եւ Կալիֆոռնիայի նահանգների սահմանի երկայնքով:
Մասնավորապես, կալիֆոռնիական Փալմ-Սփրինգսում ջերմաչափի սյունը հունիսի 20-ին, օրվա երկրորդ կեսին, հասել է ըստ Ցելսիուսի 49,5 աստիճանի նշագծին:
Արիզոնայի մայրաքաղաք Ֆինիքսում գերազանցվել է ջերմաստիճանի ռեկորդը. օդը տաքացել է ըստ Ցելսիուսի մինչեւ 47 աստիճան:
Անցած հանգստյան օրերին էքստրեմալ տապից մահացել է հինգ մարդ, նշում է AP-ն:
Օդերեւութաբանների կանխատեսումների համաձայն՝ առաջիկա օրերին շոգը կսկսի թուլանալ, հաղորդել է «Ինտերֆաքս»-ը:
