Հռիփսիմե Խուրշուդյանը ժամանակավորապես որակազրկվել է
Ծանրամարտի միջազգային ֆեդերացիան հայտնել է այն մարզիկների անունները, ովքեր ժամանակավորապես որակազրկվել են արգելված խթանիչներ օգտագործելու համար: Դոպինգ թեսթերը դրական պատասխան են տվել Պեկինի օլիմպիական խաղերի ժամանակ վերցված արյան նմուշներից: Ծանրամարտիկների շարքում է նաև կանանց Հայաստանի ծանրամարտի հավաքականի անդամ Հռիփսիմե Խո ւրշուդյանը: Որակազրկված մարզիկների շարքում հայտնվել են ծանրամարտիկներ Ռուսաստանից, Թուրքիայից, Մակեդոնիայից, Ադրբեջանից և Ղազախստանից: Ըստ Ծանրամարտի միջազգային ֆեդերացիայի պաշտոնական կայքի՝ մարզիկներն այժմ չեն կարող մասնակցել ոչ մի միջազգային մրցաշարի, մինչև ավարտվի գործի քննությունը:
Նշենք, որ Հռիփսիմե Խուրշուդյանը Եվրոպայի կրկնակի չեմպիոն է և Լոնդոնի օլիմպիական խաղերի բրոնզե մեդալակիր: Հռիփսիմեն նաև վաստակել է «Ռիո 2016»-ին մասնակցելու իրավունք, մասնակցությունը, սակայն, արդեն հարցականի տակ է:
