Պուտինը, Սարգսյանն ու Ալիևը պայմանավորվել են շարունակել Ղարաբաղի հարցով բանակցությունները
Ռուսաստանի, Հայաստանի և Ադրբեջանի նախագահներ Վլադիմիր Պուտինը, Սերժ Սարգսյանն ու Իլհամ Ալիևը պայմանավորվել են շարունակել Լեռնային Ղարաբաղի հակամարտության կարգավորման վերաբերյալ եռակողմ բանակցությունները: Այս մասին ասվում է նախագահների համատեղ հայտարարության մեջ, որն ընդունվել է Սանկտ Պետերբուրգում կայացած հանդիպման արդյունքով: Այս մասին հայտնում է RIA Novosti-ն:
«Նախագահները նշել են Լեռնային Ղարաբաղի խնդրի վերաբերյալ իրենց պարբերական հանդիպումների կարևոր նշանակությունը ու պայմանավորվել են հանդիպել նման ձևաչափով՝ ի հավելումն ԵԱՀԿ Մինսկի խմբի համանախագահների աշխատանքի, որոնք հրավիրվել էին Սանկտ Պետերբուրգի հանդիպման եզրափակիչ մասին»,- ասվում է փաստաթղթում:
